بهادر نادری
تماس با من
پروفایل من
نویسنده (های) وبلاگ بهادر نادری
آرشیو وبلاگ
      بلوچستان (شعر ، داستان ، عکس ، مطلب و مقاله (بلوچی و فارسی))
ملکمیت مستیں لیڑهے بیتیں / استاد خالقداد آریاءِ یاتءَ نویسنده: بهادر نادری - ۱۳٩٠/۱/٢۸

خالقداد آریا

عبدالوهاب ایران نژاد

بلوچی زبانءِ دگه گموارے چه کوڑویں امروزءَ لڈّ اِت ءُ وتی چادرۓ چنڈ اِت ءُ شت. استاد خالقداد آریاءِ ناگتیں بیرانی په بلوچی زبانءَ یک مزنیں تاوانے خاص اے بلوچستانءَ که مئے زبانءِ چراگ رو در روچ ایر مران اِنت. استاد آریا مئے ملکءَ هما گموارءُ جهد کار اَت که بلوچی زبانءِ دوزواهانی دلبڈی دیوک اَت ءُ بلوچی زبانءِ جهانءَ چشیں مردمے نیست اَت که استاد خالقدادۓ جاه میاورتیں‏‏ءُ آئیءِ مهرانی بندیگ مه بیتیں گوستگیں هپتگءَ په گندءُ گدارے سربازءَ شتگ اَت که همودا دلءَ گپتگ اَتءُ وتی چم ۓ چه بے وفائیں امروزءَ چپت کنگ اِتنت.


اے نه وشیں هال منءَ واجهیں برات خالد بارکزهیءَ سرکت هما دمانءَ ما چهبارءِ چیزے دوست دیم په سربازءَ سر گپتیں ءُ نماز جنازهءَ وتءَ شریک اِں کت. کژدر آ روچی غمیگءُ پرسیگ اَت. چه سرباز ، ایرانشهر ، چهبار مردم په استاد رکست کنگءَ بے حسابءَ آتکگ اَت خاص ادب دوستیں مردم هم کم نه اِتنت. استاد آریا ملک دوست ءُ قوم دوستءُ زبان دوستیں مردے اَت ءُ سرجم گوں وتی ملکءِ هر چیزءَ دوستیءُ مهرے هست اَت پمیشءَ رند چه بازیں مدتے که در چه وتی پتءُ پیرکی ملکءَ زندۓ گوازینتگ اَت وش نصیبی اَت که مدیمی وابجاه ۓ هم گلیں کژدر بیت که مدام په آئی زر اِتگ اَت. خالقداد آریا سال 1314 کژدر میر نظرمحمد لوگءَ وتی چم پچ کت اَنت و چه بلوچستانءِ اولی وانندهیں مردمان اَت واجهءَ وتی اولی دانکه چارمی کلاس کژدرءُ ایتکءَ ونتءُ سرجم کت اَنت رند چه پنچمیءُ ششمی کلاسءَ معلمی پیشگ ۓ په وت گچین کت. بازین مدتے ایتکءِ مدرسه مدیر بیتءُ معلمی کارۓ هم په حبءُ واهگ کت. چیزے وهدءَ هیچان ، کسرکندءُ چهبارءَ په بلوچ فرزندانی وانینگءَ روت همے وهدءَ بلوچ وانندهانی کمیءَ سوبءَ وتی دلدوستین معلمی ویل کنتءُ وزارت کشورءَ په میرجاوهءِ بخشداریءَ گچین بیت. سال 1338 چه بلوچستانءَ تهرانءَ بدلی بیتءُ همے سالءَ سانگءُ سیر کنت. ءُ تهران وتی وانگءَ سرجم کنتءُ دانشگاه ملی (شهید بهشتیءَ) لیسانسءَ فارسی زبانءُ ادبءِ بنگپءَ گر ایت همے زمانگءَ تیمسار عظیماءِ جنوبی بندرءُ ساحلءِ نمایندهءِ مشاورءُ شور دیوکءِ عهدهءَ گچین بیتءُ چیزے وهدءَ همے عهدءِ سرءَ کار کنتءُ پدا تهرانءَ دگه عهدهے واجهءَ دیگ بیت.
تهرانءِ استانداریءِ کارگزینی کارمستریءَ گچین بیتءُ دانکه انقلابءِ اولسرا همے عهدهءِ سرءَ بیت انقلاب اولی سالان مولانا عبدالعزیز (رح) سوگهءُ سفارش زاهدانءِ فرماندار بیت همے زمانگءَ هم چه وتی زبانءُ ادبءَ هم بے ترانگ نه بیتءُ اولی برءَ اے بلوچستانءَ یک ماهتاکے (مکران) نامءَ کش ایت دانکه دو شمارهءَ مکران شنگ بیت. بلے وشنیاتک اے هزمت دیت نه کن اَنت ءُ واجهءِ اے راهءِ دیمءَ شَنک جن اَنت. چیزے وهدءَ رند بازنشست (گس منند) بیتءُ تهرانءَ وتی ادبیءُ زبانءِ کاراں دزگلائیش بیت. فارسی ادبءِ فرهنگستان همکاری کنتءُ بلوچی زبانءُ تاریخءِ باروءَ گون اے ادبی ادارهءَ دزکمک بیت. پیش چه اے ادبی چستءُ ایراں که رند چه انقلابءَ بنت استادءَ بازین ادبی تاکبندءُ ماهتاکے گون بلوچی زبانءِ سرءَ پٹ ءُ پولی کار کنتءُ آئیءِ بازین نبشتانکے چاپءِ شنگ بیتءُ انقلابءَ پیش هم تهران بلوچی زبان رادیویی برنامهانی ٹاهینگءُ گوں ملک طوقی ، پیرمحمد ملازهی ، درّا رئیسیءَ تهرانءَ مزنین جهدے کنتءُ په ریڈیو زاهدان بلوچی برنامهءَ پٹءُ پولی کارءُ برنامه سازی کن اَنت. استاد وتی ورنائیءِ دورانءَ بازین بلوچی کوهنین شعرے چه وتی دمگءَ کماشءُ شعر زانتیں مردماں چنتءُ نز کار ایتءُ اے جوانین کارءَ رند چه انقلابءَ په درستیں زبانءُ ادب دوستان سر کنت دانکه چه گاریءُ بے گواهیءَ به رکّ ایت استادءِ ادبی کارانی تهءَ قرآن شریفءِ چنت جزءِ ترجمه هم اوار اِنتءُ همے پیمءَ لهتے پٹءُ پولی نبشتانک است اَنت. واجهءِ بچءُ برات حاج رضا اربابی اے ادبی مڈیءَ په چاپءُ شنگءَ ادبی ادارهءُ مردمان سرکن اَنت استاد آریاءَ چه وتی اولی سانگءَ دو سولین بچ کوروشءُ سیاوشءِ نامءَ هست که تهرانءَ جه منند اَنت واجهءِ اولی لوگءِ بانک چیزے سال پیشءَ بیران بیت گڑا استاد په دومی سانگءِ کنگءَ ناچار بیتءُ دومی سانگءَ وتی ملکءَ کژدرءَ کنتءُ چه دومی سانگءَ هم هدامرزی سے جنین چک هست. گوستگیں روچاں استادءِ یاتءَ تهرانءَ واجهءِ میتگءَ سعادت آبادءَ آئیءِ بچءُ دوستءُ براهندگاں یک پرسی دیوانے ٹهینتگ اَت که اے دیوانءَ من هم بهر زرتءُ اودا من واجه بیلءُ همبل واجه پیرمحمد ملازهی ، بشیر مبارکی ، عبدالکریم اربابی ، غلامرضا صمیمی ، عبدالعزیز دولتیءُ دگه بازین بلوچءُ غیر بلوچین آئیءِ دوستءُ سنگت دیست اَنت ءُ اے دیوانءَ پیش داشت که استاد آریا وتی زندءَ چونیں نیکءُ پرثمرین مردمے په وتی راجءَ بیتگ که آئیءِ بیرانیءَ دوستءُ همبل بژنیءُ ارمانی بوتگ اَنت. تهرانءَ ابید چه ادبی کارءُ هزمتان واجهءَ یک دگه ارمانی هست اَت که آئی ءِ زندءَ سرجمءُ پورو بوت آ اِش اَت که واجهءَ لوٹ اِتگ اَت تهران بلوچین جه منندان یک ادارهءُ انجمنی به بیتءُ اے کارءَ واجه گون وتی تهرانءِ دوستءُ براهندگاں خاتمی دولتءِ زمانگءَ مزنین جهدے کتءُ اے کارءَ سوبین بیت اَنت بلے مروچان اشکنگءَ لهتے وشنیاتکءُ بلوچ دژمن اے جوانین کارءِ دیمگیریءَ بازین ریکءُ پندلے سازگ اَنت گڑا تهران بلوچیں واجهانی اگده اِنت که په هوشءُ گوش استاد آریاءِ اے ارمانءِ سبزینگءَ جهد به کن اَنت دانکه واجهءِ پاد قبرءَ تچک به بنت. استاد چه منی نوک ورنائیءِ دورءَ دانکه گڈی روچان گون من بازین مهرءُ مهربانی ے بوتگءُ تهرانءَ هر وهدءَ منی سر کپتگ منی جاگهءُ بندر واجهءِ لوگ بوتگ آ هم چهبارءَ ءُ ایرانشهرءَ ته آتکگ منءَ چه وتی دیدارءَ بے نصیب نه کتگ مئیگءُ آئی ءِ گڈی دیدارءُ گندک گوستگیں اسفند ماهءَ نوبندیانءَ واجه واحد بکش بادپا بلوچءِ لوگءَ بیت اے یک ادبی سفرے اَت که واجهءَ گوں عابد آسکانی ، دکتر موسی محمودزهی ، استاد عبدالحمید ایران نژاد ، محمد شریف دهانی ، رسول بکش کشاورز ، عبدالواحد سربازیءِ همراهیءَ بنگیج کتگ اَت اے دیوانءَ واجهءِ همراهداریءَ یک خاصین براهءُ سپاهے بکشاتگ اَت. ما نزانت که چه مهرءُ دوستی سر ریچین استاد خالقداد مارا چو زیت دروه ایتءُ ویل کنت. استادءِ باروءَ لائق اِنت مردم فارسی زبانءِ شاعرءِ اے بندءَ بوان ایت:
از شمار دو چشم یک تن کم
وزشمار خرد هزاران بیش
پاکین پروردگار واجهءِ ارواهءَ ماں وتی باغین بهشتءَ وشءُ آسیدگ به کنتءُ آئیءِ پشپدان سبزءُ آبادءُ اے غمءِ سگگءِ اوپارءُ هاٹی بدنت.

  نظرات ()
مطالب اخیر کریچءُ اگریچ - سید هاشمی فرهنگی که گروگان سیاست است بلوچستان زیبای من - لادیز بلوچستان زیبای من بلوچستان زیبای من بلوچستان زیبای من بلوچستان زیبای من - درخت کُنـار - نوروز 92 سربــــاز بلوچستان زیبای من - سرباز روستای کوهمیتگ - نوروز 92 بلوچستان زیبای من بلوچستان زیبای من
کلمات کلیدی وبلاگ بلوچی شعر (۱۱٩) شعر (۳۳) خبر (۳٠) عکس (٢٤) سید ظهورشاه هاشمی (٢۱) عابد آسکانی (۱۸) مطلب (۱٤) علی بخش دشتیاری (۱۳) سید نمدی (۱۱) بلوچستان (۱٠) مقاله (٩) تاج محمد طائر (٩) بلوچستان زیبای من (۸) صبا دشتیاری (٦) مولابکش پیک (٥) عطاشاد (٥) بهادر نادری (٥) نسرین بهجتی (٤) کریم دشتی (٤) فریدون مشیری (٤) موسیقی (٤) ایرانشهر (٤) سرباز (۳) احمد شاملو (۳) بشیر بیدار (۳) مراد ساحر (۳) سید ظهور شاه هاشمی (۳) لادیز (۳) موسیقی بلوچی (۳) ملا کریمداد کزوری (٢) جشنواره بومی سروده ها (٢) کریم بلوچ (٢) حاجی غلام حیدر قبا کزوری (٢) ماشاء‌الله بامری (٢) رفیق نواب (٢) مسلم ارجنگ (٢) عبدالوهاب ایرانژاد (٢) تنزءُ تیر (٢) سیما سردارزهی (٢) دره رودخانه سرباز (٢) عباس ریکی (٢) سید گرگیج (٢) ملاچمل (٢) اشرف سربازی (٢) مولوی عبدالله روانبُد (٢) خاش (٢) غنی پهوال (٢) طارق جهانگیری (٢) گروه رستاک (٢) ادبیات (٢) مصاحبه (٢) سعدی (٢) هوشنگ ابتهاج (٢) پرویز شاپور (٢) سهراب سپهری (٢) کاریکلماتور (٢) روز خبرنگار (۱) چابهار (۱) دامن (۱) تفتان (۱) مهدی اخوان ثالث (۱) زبان بلوچی (۱) عمر خیام (۱) روز جهانی زن (۱) سید هاشمی (۱) رودخانه (۱) ویدئو (۱) عبدالحسین مختاباد (۱) اخوان ثالث (۱) ترجمه (۱) حافظ (۱) خیام (۱) زاهدان (۱) فیلم (۱) نقاشی (۱) سیاست (۱) فروغ فرخزاد (۱) فرهنگ (۱) زبان مادری (۱) گفتگو (۱) زمستان (۱) داستان (۱) علی میرکازهی (۱) غذای سالم (۱) عمر خیام نیشابوری (۱) درخت کنار (۱) کوهمیتگ (۱) قیصر امین پور (۱) دریای مکران (۱) فتیح محمد شهلی بر (۱) جلیل عارف (۱) عبدالحکیم ملازهی (۱) میر احمد دهانی (۱) سرحد رنگ / جمءُ جاڑ: عزیز یادینی (۱) فرهنگ و زنان (۱) دختر بلوچ (۱) سرحد رنگ (۱) آزمانک (۱) یوسف انیس (۱) ارشاد پرواز (۱) منیر مومن (۱) ادریس درازهی (۱) هفته فرهنگی سیستان و بلوچستان (۱) منظور بسمل (۱) عبدالصمد امیری (۱) محمد علی هاشمزهی (۱) عبدالمجید گوادری (۱) سوزندوزی (۱) کلو اومر (۱) زیورآلات زنان بلوچ (۱) مجید عاجز (۱) جشنواره خرما (۱) گلنساء مبارکی (۱) رزاق دیدگ (۱) معماری بلوچستان (۱) شهرداری ایرانشهر (۱) محمد علی سپانلو (۱) چاکر چاکرزهی (۱) چراگ لاشاری (۱) علی اکبر جعفری (۱) سفرنامه تفتان (۱) یعقوب عامل (۱) صدیق آزاد (۱) دکتر ملک طوقی (۱) بشیر احمد بلوچ (۱) ملا فاضل (۱) م بشکل (۱) عبدالحمید ایران نژاد (۱) وسیم صادق (۱) روستای کهن هر (۱) کزوری - خالقداد آریا (۱) تفتان در میان ابرها (۱) کارواندر (۱) باغهای سرباز (۱) نخل و ماه (۱) مهتاب نوروزی (۱) نوک آباد (۱) کوه مادر (۱) امبر صبا (۱) فرهنگ بلوچستان (۱) منصور بلوچ (۱) بلوچی زبانءُ لبزانک (۱) هوشنگ سامانی (۱) غلامقادر رحمانی (۱) رسول بخش زنگشاهی (۱) موسی بلوچ (۱) دونلی نواز (۱) غلام بهار (۱) عارف شهیم (۱) عزیز یادینی (۱)
دوستان من پهره کوکار رهشون رها بلوچ رازگو بلوچ بردیا بلوچ لاشار نائی بلوچ ارتباط رضا شیرانی میراث سرباز نسرین بهجتی بلوچ و بلوچستان بلوچ و بلوچستان بلوچستان گدروزیا موسیقی بلوچستان علوم ارتباطات و روابط عمومی روابط عمومی شهرداری ایرانشهر کارتن هایی از خدایار نارویی ای مکران ای مکران روزنامه بلوچستان وب سایت ورنایان سرباز فیروزآباد ارتباط ایرانشهر عصر زاهدان2 فرهاد دستیار آهنگ بلوچ سایه بلوچ پیام بلوچ سرچمّگ جوئیگ روزدرا پلیوار محمد مختومی پرتال زیگور طراح قالب