بهادر نادری
تماس با من
پروفایل من
نویسنده (های) وبلاگ بهادر نادری
آرشیو وبلاگ
      بلوچستان (شعر ، داستان ، عکس ، مطلب و مقاله (بلوچی و فارسی))
بلوچے آں / علی بکش دشتیاری نویسنده: بهادر نادری - ۱۳۸٩/٧/۱٥

 

 

نه مرتگاں من زندگاں من سرجُشاں

من روچءِ برانز ءُ ماهءِ شنگیں ماهکان

مه چنڈ منءَ مه بند منءَ نباں من گار

سک مریں بلوچے آں ، منی دهل سک مریں

زیرّکاں ، چگردے آں من کولمیر

گوں پادءِ موزگاں گوں باسکءُ باهڑاں


ادا هر ساه روت ءُ گار بیت ءُ من نباں

من دپتراں ، من سرگراں ، بلوچ کوهنیں کسّه آں

من چاکراں من همّلاں ، گنگواں زمانگءِ

شیر بیمیں دهشتاں ، گوں نرپلنگی سِرّگاں

کوهساراں نیلّگءِ ، دادشاه منی نصیب

بلوچءِ گیرتاں یلیں ، بلوچءِ پسّگاں گلیں

سگارے آں نه پرشتگیں ، من اسپراں چو گیڑهیں

دپا گوں زهم گپتگاں ، دلءَ من دست پر کتگ

من جزبهاں ، من جوشے آں ، سرانی وت پروشے آں

دلیں تلارءِ چمّگاں ، گرم آپ زمزمیں

من باهوءِ زبادیں بیلگاں

مسک درنزیں ڈگار دشتیاریءِ

منی تها رُدیت هزار گونگیں کشار

ادا پاد کیت سدانی سرمچار

ترانءِ تلءُ تلسراں مناں

ملکءِ گور ونڈیں کهیرے آں

کاروانءُ گنجکاں ، جگینءِ زیدءُ کهچراں

سَدیچءِ برزیں کنڈگاں ، گابریک ملپداں

شهرنءُ من جاشکءِ وشءُ سارتیں مهلباں

بهشت گونگیں سربازءِ من پلّیں آبریچ

اَجیریں سیمسراں من مندءُ پیشنءِ

نهنگءُ کیچءُ کاجواں ، کورے آں چو دیر سریں

دُزّ آپ ءُ سرمچاریں زابلاں

آسگواریں ، برانزداریں واشلاں

ناهوگاں ، من جالکءُ وڑیں کوهگاں

سِبءُ شرستون ءُ شهر بندیں مگس آں

تیسءِ بندنءُ من بریسءِ میدیں آپسر

گوات درانءُ گنزءُ پیشکانءُ پسّنی

جیهڑءِ اَبر بستگیں من نودے آں

باتیلاں ، من مهدے آں ، هزار گنجیں چابواں

بیرءِ نگره سنٹ ءُ تنگءِ بندناں

لاش آرءُ پهرهءِ کلاتے آں چو کوهنگیں

ڈمّناں ، کهیر سر ، من شهر دراج

پنجگور ، بلیده ءُ من تنگیں زامراں

شالءِ نگره ئیں بدن ، کلاتاں من لجّءُ گیرتی

نال ، وڈءُ مشکے ءُ من توشکےءِ تهاریں چات

سبّی ءُ من ڈاڈراں ، گازیانی ڈیرواں

آ گازی آنی سازءُ سُر، شئر بندیں پازلاں

قاسماں ، روانبداں ، کلمتی ئیں لچه گش

سرالی آں ، من پیزکاں ، من سبزلاں ، من جاڑکاں

حاجی ئیں کمال هان ، سرودی ایں رسولکاں

سید منانءُ شاد من ، کریم ءُ شوهاز من

چشیں هزار سینگءَ منی هست کَلّ

مزار پاد کئیت دگه چشیں

چتور من گار باں ، چتور من وار باں

من وهدیکه جاه جناں ، من وهدیکه سرگراں

نه تو بئے ، نه تئی کلاتءُ بندیں ماڑی ے

بلوچءِ زهرگاں بلوچءِ باتناں

نه چشتگ منی تو زهر ، نه دیستگ منی تو بیمّ

کن ۓ چشیں تو ، سینءُ جیمّ

2009- چهبار

 

کولمیر: کسانیں بوٹکے که سک میر اِنتءُ آپیءَ برداشت کنتءُ زیت نه مرایت

نیلگ: بنتءُ پنوچءِ دمگءَ کوهے ، دادشاهءِ ملکءِ نام

تران: رو درآتکی بلوچستانءَ کوهءُ ملکے نام اِنت

کاروان: قبله زمینءَ ملکے نام اِنت

گنجگ: قبله زمینءَ ملکے نام اِنت

جگین: قبله زمینءَ کورے نام اِنت

سدیچ: قبله زمینءَ کورے نام اِنت

گابریک: قبله زمینءَ کورے نام اِنت

شهرن: جاشکءِ کرءُ کشاں ملکے نام اِنت

جاشک: هنوگیں که هرمزگانءِ بهرے بوتگ

نهنگ: بلوچستان مستریں کور

کیچ: بلوچستانءِ کورءُ دمگے نام اِنت

ناهوگ: سراوانءَ شهرے

جالک: سراوانءَ شهرے

سب: سراوانءَ ملکے

کاجو: بلوچستانءِ مزنیں کورے که چه آهرّاں کوهاں رمب ایت رند چه کسر کندءُ دشتیاریءُ باهوءِ ملّگءَ دریاءَ رچ ایت

دُزّآپ: زاهدانءِ پیسری نام

واشل: واش ، ادا مراد دپتانءِ کوه اِنت

جالک: سراوانءَ شهرے

شرستون: سراوانءِ شستون

تیس: بلوچستان نامدارینءُ تاریخی بندر

بریس: بلوچستانءِ تیاب دپءَ ملکے

گوات در: گوادر ، بلوچستانءِ مشهوریں بندر

گنز: گوادرءِ کشءُ گورءَ بندرے

پیشکاں: گوادرءِ نزیکءَ بندرے

پسنی: گوادرءَ هما دیم بلوچستانءِ مشهوریں بندرے

جیهڑ: بلوچستانءِ وش کوشءُ وش هوائیں بندرءِ قدیمی نام که هنو جیونی گوشگ بیت

باتیل: گوادرءِ زرباری پهناتءَ کوهے نام اِنت

مهدی: گوادرءِ کوهے نام اِنت

بیر: قبله زمین دمگے نام انت

تنک: کنرکءِ چیرتر بندرے نام انت

لاش آر: لاشار ، بلوچستانءِ مشهوریں دمگے

ڈمّن: بلوچستان دمگے نام انت

کهیر: بلوچستان ملکے نام انت

بلیده: رو درآتکی بلوچستانءَ ملکے نام اِنت

زمران: رودرآتکی بلوچستانءَ ملکے نام انت

شال: رودرآتکی بلوچستانءِ بنجاه ، عهدی نام کویٹه

کلات: کویٹه برز شهرے نام انت که تاریخی بلوچستانءِ بنجاه بوتگءُ خان کلاتءِ منندجاه

نالءُ وڈ: هر دو هُزدارءِ دمگءَ دو ملک انت ، نال میر غوث بکش بیزنجوءِ ملک

مشکے : رودرآتکے بلوچستانءَ ملکے نام اِنت

نوشکی: رودرآتکی بلوچستانءَ کویٹهءِ قبلهی پهناتءَ ملکے نام اِنت

سبی: کویٹهءِ گوریچاں ملکے نام انت ، شهید اکبر بگٹیءِ ملک

ڈاڈر: سبیءِ کشءُ گورءَ شهرے ءُ تاریخی جاگهے ، شے مریدءُ هانیءِ شئرءَ هم ڈاڈرنام باز آتکگ که چاکرءُ شے مرید منند جاه بیتگ

گازیانی ڈیرو: ڈیره غازی خان ، سندءُ بلوچستانءِ سیمسرءَ ملکے

اَگازی: سازی ، پهلوان

سید: سید هاشمی ، شهزانتیں ورغ

شاد: عطا شاد ، شاعر

کریم: کریم دشتی ، شاعر

شوهاز: عبدالحسین شوهاز ، شاعر

قاسم: ملا قاسم مشهوریں شاعر ، ملا فاضلءِ کستریں برات

روانبد: علامه روانبد ، مزنیں شاعر

کلمتی : ملا ابابکر کلمتی

پازل: شهلچه کار فاضل

سوالی: ملا سوالی کلمتی کلاسیکل گوشنده

پیزُک: ناکو فیض محمد بلوچ نامداریں گوشنده

سبزل: سبزل سامی نامداریں شوت گوش

حاجی کمال هان: ملا کمالان ، نامداریں گوشنده

رسول بکش: نامداریں سرودی ، رسول بکش زنگشاهی

  نظرات ()
مطالب اخیر کریچءُ اگریچ - سید هاشمی فرهنگی که گروگان سیاست است بلوچستان زیبای من - لادیز بلوچستان زیبای من بلوچستان زیبای من بلوچستان زیبای من بلوچستان زیبای من - درخت کُنـار - نوروز 92 سربــــاز بلوچستان زیبای من - سرباز روستای کوهمیتگ - نوروز 92 بلوچستان زیبای من بلوچستان زیبای من
کلمات کلیدی وبلاگ بلوچی شعر (۱۱٩) شعر (۳۳) خبر (۳٠) عکس (٢٤) سید ظهورشاه هاشمی (٢۱) عابد آسکانی (۱۸) مطلب (۱٤) علی بخش دشتیاری (۱۳) سید نمدی (۱۱) بلوچستان (۱٠) مقاله (٩) تاج محمد طائر (٩) بلوچستان زیبای من (۸) صبا دشتیاری (٦) مولابکش پیک (٥) عطاشاد (٥) بهادر نادری (٥) نسرین بهجتی (٤) کریم دشتی (٤) فریدون مشیری (٤) موسیقی (٤) ایرانشهر (٤) سرباز (۳) احمد شاملو (۳) بشیر بیدار (۳) مراد ساحر (۳) سید ظهور شاه هاشمی (۳) لادیز (۳) موسیقی بلوچی (۳) ملا کریمداد کزوری (٢) جشنواره بومی سروده ها (٢) کریم بلوچ (٢) حاجی غلام حیدر قبا کزوری (٢) ماشاء‌الله بامری (٢) رفیق نواب (٢) مسلم ارجنگ (٢) عبدالوهاب ایرانژاد (٢) تنزءُ تیر (٢) سیما سردارزهی (٢) دره رودخانه سرباز (٢) عباس ریکی (٢) سید گرگیج (٢) ملاچمل (٢) اشرف سربازی (٢) مولوی عبدالله روانبُد (٢) خاش (٢) غنی پهوال (٢) طارق جهانگیری (٢) گروه رستاک (٢) ادبیات (٢) مصاحبه (٢) سعدی (٢) هوشنگ ابتهاج (٢) پرویز شاپور (٢) سهراب سپهری (٢) کاریکلماتور (٢) روز خبرنگار (۱) چابهار (۱) دامن (۱) تفتان (۱) مهدی اخوان ثالث (۱) زبان بلوچی (۱) عمر خیام (۱) روز جهانی زن (۱) سید هاشمی (۱) رودخانه (۱) ویدئو (۱) عبدالحسین مختاباد (۱) اخوان ثالث (۱) ترجمه (۱) حافظ (۱) خیام (۱) زاهدان (۱) فیلم (۱) نقاشی (۱) سیاست (۱) فروغ فرخزاد (۱) فرهنگ (۱) زبان مادری (۱) گفتگو (۱) زمستان (۱) داستان (۱) علی میرکازهی (۱) غذای سالم (۱) عمر خیام نیشابوری (۱) درخت کنار (۱) کوهمیتگ (۱) قیصر امین پور (۱) دریای مکران (۱) فتیح محمد شهلی بر (۱) جلیل عارف (۱) عبدالحکیم ملازهی (۱) میر احمد دهانی (۱) سرحد رنگ / جمءُ جاڑ: عزیز یادینی (۱) فرهنگ و زنان (۱) دختر بلوچ (۱) سرحد رنگ (۱) آزمانک (۱) یوسف انیس (۱) ارشاد پرواز (۱) منیر مومن (۱) ادریس درازهی (۱) هفته فرهنگی سیستان و بلوچستان (۱) منظور بسمل (۱) عبدالصمد امیری (۱) محمد علی هاشمزهی (۱) عبدالمجید گوادری (۱) سوزندوزی (۱) کلو اومر (۱) زیورآلات زنان بلوچ (۱) مجید عاجز (۱) جشنواره خرما (۱) گلنساء مبارکی (۱) رزاق دیدگ (۱) معماری بلوچستان (۱) شهرداری ایرانشهر (۱) محمد علی سپانلو (۱) چاکر چاکرزهی (۱) چراگ لاشاری (۱) علی اکبر جعفری (۱) سفرنامه تفتان (۱) یعقوب عامل (۱) صدیق آزاد (۱) دکتر ملک طوقی (۱) بشیر احمد بلوچ (۱) ملا فاضل (۱) م بشکل (۱) عبدالحمید ایران نژاد (۱) وسیم صادق (۱) روستای کهن هر (۱) کزوری - خالقداد آریا (۱) تفتان در میان ابرها (۱) کارواندر (۱) باغهای سرباز (۱) نخل و ماه (۱) مهتاب نوروزی (۱) نوک آباد (۱) کوه مادر (۱) امبر صبا (۱) فرهنگ بلوچستان (۱) منصور بلوچ (۱) بلوچی زبانءُ لبزانک (۱) هوشنگ سامانی (۱) غلامقادر رحمانی (۱) رسول بخش زنگشاهی (۱) موسی بلوچ (۱) دونلی نواز (۱) غلام بهار (۱) عارف شهیم (۱) عزیز یادینی (۱)
دوستان من پهره کوکار رهشون رها بلوچ رازگو بلوچ بردیا بلوچ لاشار نائی بلوچ ارتباط رضا شیرانی میراث سرباز نسرین بهجتی بلوچ و بلوچستان بلوچ و بلوچستان بلوچستان گدروزیا موسیقی بلوچستان علوم ارتباطات و روابط عمومی روابط عمومی شهرداری ایرانشهر کارتن هایی از خدایار نارویی ای مکران ای مکران روزنامه بلوچستان وب سایت ورنایان سرباز فیروزآباد ارتباط ایرانشهر عصر زاهدان2 فرهاد دستیار آهنگ بلوچ سایه بلوچ پیام بلوچ سرچمّگ جوئیگ روزدرا پلیوار محمد مختومی پرتال زیگور طراح قالب