جنوزام / رفیق نواب

ما وتی میّت زمینءَ کشتگ اَنت


مئے ڈگارءِ سینگءَ اَرواه ردنت


هو هداگندیں بهاری کیلّگاں


هونءِ هنگامءَ رُکاتءَ یل مه دۓ


آس رودیں موسمءَ پلّے چتگ


شورهیں آروداں اشکر چنڈ اِتگ


گل به ریچ ات سرتگیں جاهءُ گساں


کورگاں سالونکیں میّت سمبهنت


اے جنازه زیوریں بانور بنت


هاک الله زادگاں سودا نه بیت!!


رونءُ موشیں هونءِ جوهانین زمین


کرم بادینتگ نگاهءِ گوالگاں


بادشاه اِنت شد جنوزامین پکیر


ما وتی میّت زمینءَ کشتگ انت


مئی دگار سینگءَ ارواحءِ ردایت

/ 0 نظر / 38 بازدید