شهدانگاں من / سید هاشمی

جناں زنگءَ جناں زنگءَ جناں تئی

گراں نامءَ گراں نامءَ گراں تئی...

گُلیں مهرانی ساچاں پمن تاوان

که بیرءُ نپتاں اَمبازاں گراں تئی

نه سگّاں هچ نه سگّاں په تئی نامءَ

مه گندات دژمنیں دیواں زیاں تئی

جگر جه ستکگءُ سجّیگ بوتگ

دلءَ پرداراں سُهریں انگراں تئی

نه زندءَ په منءَ دیوان زرینتگ

نه گوں مرگءَ چه اندوهاں زهاں تئی

پدءَ اِے دل په ڈولے ترونگلینتگ

گُلیں نازانی گرمیں گونڈلاں تئی...

شپءِ چادر گوش ۓ روچءِ میار اِنت

که اوماں کرتگ آسکی دیدگاں تئی

زرینتگ بهبهانی چار کلّے

انگت گنداں که دیدارءَ زراں تئی

ترا گرانیں گمءُ اندوهاں گپتگ؟

مناں انگت ، مکن گم ، دیمپان تئی

هزار بنگاں بنوشاں انگت هوشاں

که مهرءِ کیهویں شهدانگاں تئی

که پرکپتگ جهانءَ مهرءُ دوستی

پدءَ گوں دژمناں زنگءَ جناں تئی

منی گم واهگءِ پلّیں میار انت

سپاراں په کےءَ گرانیں گماں تئی

پرش ایت دل بے توارءَ کس نه سار ایت

نه کنت باور کسے گم پروشتگاں تئی

نه سستگ اوستءِ اوتاگاں نه سستگ

اے راست اِنت گم جتءُ دل سستگاں تئی

اِے مرگءُ زندءِ کوهیں پاسپان اِنت

دو سد بر هانل من نامءَ گراں تئی ...

چکتگ تئی بنگویں بچّان گون اَنت

که دژمن مانداران اَنت لداں تئی

سید گوں زیمراں گالاں به کتّار

پدءَ اومان اِنت بیلءُ همبلاں تئی

 

/ 2 نظر / 23 بازدید
مصطفی(بالانچ)

از شاهکارها شعر بلوچی است. کلمات، آهنگین، تصویر سازی، متافورهای بسیار زیبا... فقط می توانم بگویم یک شعر جهانی است با تمام ویژگی‌ها برجسته یک قطعه ادبی

فراز

سلام وبلاگ جالبی دارید به من هم سری بزن http://balochi-diwan.blogfa.com