ملا کریمداد کزوری

مستاگ بامسار پیامان بیا به گوش

هالے به گر چه دوستءَ ، ءُ سلامان بیا به گوش

دیر اِنت که چمءُ چاراں ءُ نندان تئے رهسرءَ

دل کپتگ تئے زهیراں هالاں بیا به گوش

پادوں ماں لوپءَ بند اِنت آ بیکّانی ڈکّمیں

چا ماهپراں بزینءُ شبستاں بیا به گوش

کشتگ منءَ را لسّهیں گریهـءُ گردنءَ

درماں گوری کلمپر ءُ ٹکّاں بیا به گوش

چماں خمارءُ قدّحیںءُ نیم وابیں چارگاں

برواناں کنجءُ کیدیں مچاچاں بیا به گوش

لنٹاں تنکّءُ قرمزءُ دنتاناں کنچتیں

گرانزیگءُ پونزءِ پُلّکءُ لالاں بیا به گوش

بالادءُ قدءُ قامتءِ آ ڈیلءَ بکچهیں

آ ملّگاں چو سرو گلستانءَ بیا به گوش

شرّیں کهیبءُ نازءُ اداءُ بوءُ دناں

مسکءُ زبادءُ حقّهءِ بوءاں بیا به گوش

انگت منی هیال اِنت یا بے ترانگ انت چه ما

ایکیم بکن تو مارا یا دروهاں بیا به گوش

دلمانگ انت کزوری انگت چه تو کپوت

گپّانءَ گوش بدارءُ جواباں بیا به گوش

/ 3 نظر / 17 بازدید
حلیم

سلام واجین دوست وبلاگ جالبی وپر محتوای داری وجا دارد تشکر کنم بابت اشعار وسخنان بلوچی که گذاشتی و امیدوارم بتوانید فرهنگ وزبان بلوچی را گسترش بدیم وبلاگم بروز شده میتونی سربزن واز راهنمایهای خوبت ما رو یاری کن بنام سرزمین بلوچستان http://www.sbalochestan.vastblog.com

عكس، كليپ، آهنگ، فيلم، موزيك

سلام دوست عزیز برای تبادل لینک هوشمند و خودکار با ما ابتدا لینک ما را با نام "عكس، كلیپ، آهنگ، فیلم، موزیك" لینک کنید سپس لینکتان را از بخش پیوندها بفرستید تا به طور خودکار لینک شوید ( اگر دوباره وارد وبلاگ ما شوید لینکتان را مشاهده میکنید) . موفق باشید .

ﻣﺤﻤﺪﺷﺮﯾﻒ ﻣﯿﺮﺯﺍﺩ

ﻣﻦ ﺑﺎﺯ ﺑﺎﺯ ﻣﻨﺖ ﻭﺍﺭﺍﻥ ﭼﻪ ﻣﻨﮕﻬﯿﻦ ﺑﺮﺍﺕ ‌ ﻭﺍﺟﻪ ﻧﺎﺩﺭﯾﺎ .ﭼﻪ ﺑﺎﯾﺖ ﺍﯾﯽ ﻧﺸﺘﺎﻧﮑﺎ. ﺑﺎ ﺷﺮﺕ.ﺧﺪﺍﯾﯽ ﮔﯿﺸﺘﺮ ﺗﻮﻓﯿﻖ ﺑﺪﺍﺕ.ﻫﻨﭽﻮ ﺑﺎﺕ