سید نمدی

سید هاشمی

 

دبی

11 ستمبر 1964

واجه مراد ساحر! دراهءُ جوڑ بات ۓ

تئی دیم داتگین وانگی «شپ گروک» رس اِت. باز مهربانی – یک چمّے په اشتاپی اِے وانگی سرتانسر چار اِت – اکبر ءِ نبشتگین پیشگالءِ لهتیں بهرگ وانگ کرز اَنت – پمنی زانگءَ اِے واجه همے اکبر بارکزهی اِنت گڑا باید اِنت که اکبر بارکزئی به نبیسّ اِتین ۓ تاکه زانگ به بیت.

نصیرءِ اِنچو سالءِ کته کاریاں رند من گوں مزنیں هدوناکی یے ءَ "شپ گروک" ءِ رهچار بوتگاں بلے سکّ بے اُمیت بوتاں – نصیرءِ دستءَ بلوچی زبانءِ هما جاور اِنت که پیشءَ بوتگ – همے رنگءَ آئیءِ لچّهاں هچ رنگیں دیم روی یے مان نیست – ترّءُ پرترّ ، سر بتگءُ سرجنگ ، دست جنیءُ بدگوشیءِ یک اَڑاِتگینءُ بَهـءُ بکّڑیں کوشستے ءَ ماں گیشّ اِتگ که جهدءُ کنوکءِ جند هم په وتی هچ رنگیں سر جنگےءَ الّمءُ سدّک نه اِنت. پمیشکا اِے سهرا اِنت که گوش ۓ زاناں دست ۓ په هچّءَ سکّ نه بیت. ایشیءِ بارهءَ من سرجمءَ انّوں گپّ جت نه کناں بلے بلکیں روچے چه دگه دسگٹّیاں موه به بیت اِے دیمءَ دلگوشے بکناں۔

البت په یک چیزے ءَ من بلوچی اکیڈمی کراچیءَ سد مراد بات گوشاں که اِے وانگیءِ کچّءُ بُرّءُ چاپ باز جوان اِنتءُ چه ایشیءَ سهرا اِنت که مزنین جُهدے ءِ بَر اِنت (باریں چینچو زرّے وارتگ؟).

واجه ساحر اکیڈمیءِ چاپ کرتگیں هما چارمی وانگی کجام اِنت که چه "شپ گروک" ءَ پیسر "مستاگ" ءُ "زهگ بلد" اَنت – چارمی وانگی من نه دیستگ اگاں هلاک نه بئے پمن دیم ۓ بدے.

راستی دگه رندے اگاں وانگی دیم دۓ بزیں کاگدیں پارسل ءَ بکن یا که بزیں هاکی رنگیں پوشءَ بکن اِش ءُ پوش یا پارسلءَ BOOK POST بکنءُ ایشیءِ سرءَ همے بُک پوسٹ ءُ PRINTED MATTERS هر دوئیں گپّاں نبشتگ بکن که رسگ ۓ زوت ترءُ آسان تر بیت. هما چارمی وانگیءِ رهچاراں۔

گوں درهباتاں

سید

/ 1 نظر / 20 بازدید
مهتاب

سلام دوست عزیز،خوبی؟! وبلاگت رو دیدم،خیلی خوبه،اما وبلاگ من بهتره ها [نیشخند]،من وبلاگم آپه حتما بهم سر بزن،یه روشی برای بالا بردن رنک و آمار وبلاگ معرفی کردم که این روزا خوب جواب میده،بیا بخون وبم رو حتما مشتاق میشی،منتظرت هستم،زودی بیا! مهتاب [قلب]