سید نمدی

بهرن
26 جون62ء

سید هاشمی

براتگونگیں همبل واجه جمّا خان وژدلءُ شادات بات ۓ!
شما منءَ پاپولر پوئٹریءِ بارهءَ هچ رنگیں گپّے نه جت! ءُ ناں که اُلُس ءُ درینّءِ رنگ من دیست. یک سنگتے ءَ چه گوادرءَ اُلُس پمن آورتگ اَت بلے پیسر که من آئیءِ رنگءَ بگنداں دگه دوستے ءَ چوشاهینءَ ایر داتءُ برت آ هم کویتءَ ، بزاں یکرندے پدءَ په ایشیءَ سر بجناں۔ اِشکنگءَ دبیءَ اُلُسءُ درینّ هر دو سر بوتگ اَنت.
یک نمدی یے اے پوشءِ تهءَ اِنت مزن هورءِ هما دستءَ دیم ۓ بدے. ادءَ گرم اِنت اگاں گوات شمال اِنتءُ لوار نه اِنت انگت گهتر اِنت ، بلے اگاں گوات هر وهد که کوشءَ ترّ ایت باز گندگ بیت. اُمیت اِنت که دبیءِ گوات چه بهرنءَ شرتر اِنت.
من اشکتگ که ایرانءِ سرکارءَ دبیءَ په ایرانی زبانءِ وانینگءَ دربرجاهے پچ کرتگ. اے گپ راست اِنت؟
تئی دراهیءِ لوٹوک
سید

/ 0 نظر / 49 بازدید