بلوچی شئر / ارشاد پرواز

 

بن گپتگ همک سهتءُ دمانی منی دیمءَ
ایے آس تئی پشتءَ سچان انت منی دیمءَ
چمانی چڈک ءَ دلءِ احوالءَ گوش انت گوں
آ گپ نه جنت بند زبان انت منی دیمءَ
چو زهرءِ وڑا شنگ انت منی رگ رگ توکءَ
چو مارءِ وڑا شیپ گران انت منی دیمءَ
چو ماهءِ وڑا آس شلان انت منی پشتءَ
چو کبگءِ وڑا کرام کنان انت منی دیمءَ
آ هنچیں جنک ۓ  که وفادار نه بیت اِنت
آ گپ که همی پیمءَ جنان اِنت منی دیمءَ
آ زلفءِ چڑکّءَ هم منءَ حال نه دنت اِنت
آ پاداں چتور چست کنان اِنت منی دیمءَ
ارشاد نوں دنیاءِ تو چمّانی تهاءِ
ارشاد ایے ترا پشتءَ گُشان اِنت منی دیمءَ

/ 0 نظر / 14 بازدید